Мазкур мақолада атроф-муҳит тушунчасининг назарий жиҳатларига доир илмий ёндошувлар таҳлил этилган. Шунингдек, мақолада фуқароларнинг қулай атроф табиий муҳитда яшаш ҳуқуқи табиий ҳуқуқ сифатида ҳар бир индивиднинг ўз сиёсий, ижтимоий-иқтисодий, маданий, шахсий ва бошқа ҳуқуқларини, эркинликларини ва қонуний манфаатларини атроф табиий муҳитнинг оптимал, яъни энг оқилона шарт-шароитларида амалга оширишга, давлатдан, барча юридик ва жисмоний шахслардан атроф табиий муҳитни муҳофаза қилиш бўйича конституциявий мажбуриятларини бажаришни талаб қилиш билан боғлиқ мунозарали масалалар ўрганилган.