Ushbu maqolada og‘iz bo‘shlig‘i gigiyenasi va stomatologik kasalliklarning oldini olishda profilaktikaning nazariy va amaliy asoslari yoritilgan. Stomatologik kasalliklarning multifaktorial kelib chiqishi, ularning umumiy sog‘liq bilan bog‘liqligi va shaxsiy hamda professional gigiyena choralari ilmiy manbalar asosida tahlil qilingan. Tadqiqotlar shuni ko‘rsatadiki, gigiyenaga rioya qilish va profilaktik choralarni amalga oshirish orqali kariyes va parodont kasalliklarini sezilarli darajada kamaytirish mumkin. Shuningdek, maqolada stomatologiya sohasida zamonaviy nazariyalar, sanogenetik yondashuv va gigiyenik texnikalar tahlil qilinib, ularning amaliyotdagi ahamiyati ko‘rsatib o‘tiladi.